19.07.2023 Скопје
Северна Кореја ја задржува доверливоста на американскиот војник уапсен вчера откако намерно ја преминал демаркационата линија меѓу двете Кореи. Севернокорејските официјални медиуми и мисијата на Пјонгјанг во Обединетите нации не ја коментираа веста за апсењето, ниту пак дадоа информации за судбината на војникот од втор ред Тревис Кинг, кој намерно ја преминал границата за време на туристичка посета до неутралното село Панмунџом .
Американскиот секретар за одбрана Лојд Остин вчера вечерта го потврди апсењето на американскиот војник од страна на севернокорејските власти. На прес-конференција во Пентагон, Остин изјави дека се уште ги собираат сите информации, но потврди дека еден војник за време на турнеја, доброволно и неовластено ја преминал линијата на разграничување. Американските власти, веруваат дека по инцидентот бил приведен во севернокорејски притвор.
Полковник Исак Тејлор, портпарол на подобединетата команда на американската Индо-пацифичка команда за Кореја, вчера објави дека американскиот војник вклучен во инцидентот бил на пат да се врати во САД по дисциплинската мерка која била изречена против него.
Апсењето во кратка нота го потврди и командата на Обединетите нации, која објави дека американски државјанин незаконски и неовластено ја преминал демаркационата линија меѓу двете Кореи.
Подготвено од М.Н.
About Author
