19.07.2023 Скопје
Од кабинетот на јапонскиот премиер соопштија дека Северна Кореја во текот на ноќта лансирала уште еден проектил за кој постои сомневање дека е балистичка ракета.
Генералштабот на јужнокорејската армија соопшти дека ракетата паднала во морето меѓу Корејскиот полуостров и Јапонија.
Ракетата беше лансирана еден ден откако американска нуклеарна подморница ја посети Јужна Кореја за прв пат од 1980-тите.
Во вторникот американската команда во тој азиски регион објави дека американски војник неовластено преминал од Јужна во Северна Кореја. Според изворите, против него требало да биде покренатата дисциплинска постапка во САД.
Најновото лансирање на ракета од Северна Кореја доаѓа речиси една недела откако Северна Кореја тестираше нова интерконтинентална балистичка ракета, Хвасонг-18, за која Пјонгјанг рече дека е предупредување за САД и другите противници.
Подготвено од А.Ѓ.
About Author
