17.07.2023 Скопје
Јапонскиот премиер Фумио Кишида и престолонаследникот на Саудиска Арабија Мохамед бин Салман потпишаа 26 меморандуми за разбирање и се согласија да соработуваат за споделување технологија за да придонесат за декарбонизацијата и економската диверзификација на Ријад.
Двајцата лидери, кои се сретнаа во Џеда, се договорија да започнат стратешки дијалог на ниво на министри за надворешни работи за продлабочување на билатералната соработка. Преку продлабочување на односите со Ријад, Јапонија има за цел да и гарантира на својата економија стабилно снабдување со сурова нафта, во глобален контекст што е неизвесен од војната во Украина и нејзините последици.
Саудиска Арабија, од друга страна, има за цел да обезбеди инвестиции и напредни технологии од Јапонија за да ја забрза својата економска диверзификација.
Средбата кулминираше со потпишување на 26 меморандуми за разбирање во енергетскиот сектор. Јапонија многу ќе придонесе за растот на фотоволтаичниот сектор во Ријад и за развој на економии базирани на алтернативни горива како водород и амонијак во Саудиска Арабија.
Подготвено од М.Н.
About Author
