21.07.2023 Скопје
Според новите измени на законот, долната старосна граница за воена служба во Русија ќе се намали на 18 години, а горната старосна граница ќе се зголеми на 30 години, изјави претседателот на Комитетот за одбрана на Државната дума, Андреј Картаполов.
Во своето обраќање пред новинарите тој ги коментираше измените на законот кои се во втората, клучна фаза на читање во руската Дума.
„Клучната измена на законот е горната граница за отслужување воен рок да се подигне на 30 години, додека долната граница е поставена на 18 години, бидејќи има голем број млади кои сакаат да го отслужат воениот рок на 18 години и таа опција во моментов им е достапна“, рече Картаполов.
Во верзијата на предлог-законот во прво читање се бараше подигање на долната граница за воениот рок од 18 на 21 година.
Подготвено од А.Ѓ.
About Author
