05.07.2023 Скопје
Peugeot е присутен во светот на велосипедите повеќе од 140 години и не е непознат за иновации.
Така сега ја претставува новата линија на електрични велосипеди кои ќе се појават на пазарот до крајот на оваа година.
Пазарот на електрични велосипеди е многу важен во Европа. На Стариот континент минатата година беа продадени над 5,5 милиони примероци, што претставува годишен раст од 8,6 отсто. Со други зборови, секој четврти велосипед што се продава во Европа има електричен погон.
Peugeot наскоро ќе лансира нова линија на е-велосипеди поделени во три категории. Првиот е класичен градски велосипед – Digital E-Bike. Следува Extended товарниот велосипед наречен Digital e-Longtail со дополнителен продолжен заден дел во кој може да се превезува товар или до две деца.
Трет по ред е Digital e-Front Load со продолжен преден дел, кој со можност за превоз на поголемо количество товар, лесно може да прими три деца.
Сите велосипеди имаат централно монтиран погонски електричен мотор, а единствената разлика е во механизмот за пренос, кој е ремен за класичниот велосипед и синџир за карго верзијата.
Подготвено од А.Ѓ.
About Author
