13.07.2023 Скопје
Организацијата на потрошувачи и корисници (OCU) секоја година објавува извештај во кој ги открива марките со најмногу и најмалку доверливи автомобили на пазарот. Врз основа на овие податоци, можеме да дознаеме која марка на автомобили е најнесигурна и со најмногу дефекти во Европа досега.
Извештајот се заснова на истражување на 52.430 возачи во пет европски земји, што покажува дека азиските брендови продолжуваат да водат на ранг-листата за доверливост од година во година.
Студијата на OCU открива дека Lexus (95 поени), Subaru (93 поени) и Toyota (91 поени) ги заземаат првите три места на листата на најдоверливи брендови, а потоа следат Mitsubishi (4-то), Kia (5-то), Suzuki (6-то), Хјундаи (7-мо), Хонда (8-мо) и Мазда (9-то).
Ова, секако, ги става на второ место европските производители, чија најсигурна марка, според овој извештај, е Seat, која ја зазема 10-тата позиција. Дачија е изедначена по бодови, а потоа следат Škoda, DS, Volkswagen, Smart, Peugeot, Mercedes, BMW и Mini, кои ги заокружуваат првите 20.
На другиот крај на листата, на последните шест позиции со рејтинг еднаков или помал од 68 поени, се Lancia, Chevrolet, Jaguar, Land Rover и Alfa Romeo. Конечно, најмалку сигурен автомобилски бренд со најмногу дефекти во Европа, според извештајот објавен од OCU, е Tesla, со само 60 поени од вкупно 100.
Според извештајот на OCU, најчестите дефекти што ги имале автомобилите во 2022 година се електричните дефекти (17 проценти), системот за сопирање (13 проценти), електрониката (8 проценти), управувањето и амортизацијата (7 проценти), моторот (8 проценти) и клима уред (6 проценти).
Конечно, според OCU, бензинските хибриди се автомобилите кои најмалку се расипуваат. Оваа категорија вклучува до 10 модели кои надминуваат 95 поени за сигурност. Меѓу сите, се издвојуваат Lexus IS 2013, Toyota Corolla 2018 и Toyota RAV4 2013-2018.
Подготвено од А.Ѓ.
About Author
