06.07.2023 Скопје
Уставниот суд на Германија одлучи дека е дадено премалку време за консултации за предлог-законот на Министерството за економија, кој има за цел постепено да го укине греењето со нафта и гас за да ја направи земјата „климатски неутрална“ до 2045 година.
Уставниот суд во својата одлука навел дека се прекршени правата на пратениците за рамноправно учество во одлучувањето во парламентот, а со тоа го одложи усвојувањето на законот.
Жалбата до судот ја поднесе пратеникот во Бундестагот на ЦДУ, Томас Хилам, кој рече дека времето за разгледување на нацрт-законот, кој владата сака да го помине во парламентот пред летната пауза, е прекратко.
„Стотици страници амандмански текстови што може да се испратат преку електронска пошта во петок навечер, да се дебатира во комисијата во среда и конечно да се дебатира на пленарна седница во четврток, веќе немаат никаква врска со парламентарната демократија“, рече Хилам.
Подготвено од А.Ѓ.
About Author
