27.07.2023 Скопје
Претседателот на Комисијата за исчезнати лица на Владата на Србија, Вељко Одаловиќ, изјави дека за премиерот на привремените институции на Приштина, Албин Курти, сега се проблем меѓународната заедница и политичките партии на косовските Албанци. Европа е немоќна да ја натера Приштина да го направи тоа што го потпиша.
„Автопатот на мирот“ треба да ги поврзе Ниш, Приштина, Тирана, Драч и да ги обедини Србите и Албанците. Ова најчесто се слушаше при вчерашното пуштање во употреба на првата делница од овој автопат.
Српскиот претседател Александар Вучиќ изјави дека како дел од Берлинскиот процес во 2014 година разговарал за поврзување на Приштина и Ниш со тогашната германска канцеларка Ангела Меркел.
Одаловиќ рече дека Берлинскиот процес е дизајниран да ги поддржи сите проекти што ги здружуваат.
„Ова не е единствениот проект, многу е важно кога имаме се повеќе проблеми со Приштина да ја испратиме пораката дека еден пат – патот на мирот ќе овозможи проодност, фреквенција и лесен премин во двете насоки. Пристаништето Драч е многу важно, еден од хабовите низ кој може да се организира значаен дел од товарот“, рече Одаловиќ.
Тој напомена дека е важно да се надминат бариерите, а со овој пат е особено важно што двапати годишно на Мердар се формираат колони понекогаш од десет километри со возила на дијаспората, Албанците кои работат и живеат на Запад – во текот на летниот период и пред празниците – тогаш настанува колапс.
„Ова е начин да се надмине тоа, да се искористи модерниот пат кој, се надевам, ќе продолжи од Мердар до влезот во Приштина, низ целата територија на Косово и Метохија за да стигне до Албанија и до Јадранот“, вели Одаловиќ.
Тој наведува дека станува збор за проекти за спојување, како и дека иницијативата Отворен Балкан имала за цел да испрати порака дека Србија сака да биде поврзана и во патничкиот и во железничкиот сообраќај и на сите да им биде подобро.
„Има одредени политички елити во околните земји и во областа на Косово и Метохија кои не ги разбираат овие пораки и не сакаат да бидат дел од такви проекти“, додаде Одаловиќ.
Според него, вчерашниот ден испраќа позитивни пораки, отвора зрак надеж. Тој потсетува дека областа КиМ има неколку административни премини.
Ако комуникацијата и пристапноста се овозможат за луѓето и за стоките, ги имаме сите предуслови да имаме подобра ситуација. Проектот Отворен Балкан тоа го имаше за цел, истакнува Одаловиќ и напоменува дека овие теми се отвориле кога Курти не постоел на политичката сцена.
Подготвено од А.Ѓ.
About Author
