31.07.2023 Скопје
Над 200.000 луѓе излегоа на улиците во Израел за да протестираат против реформите во правосудството што ги предложи ултра-конзервативната влада на премиерот Бенјамин Нетанјаху.
Ова е триесетти последователен викенд на протести, прв откако Кнесетот ги одобри измените на „клаузулата за разумност“, една од клучните точки на спорните амандмани на судскиот систем.
За мнозинството, предводено од партијата Ликуд на Нетанјаху и нејзините сојузници, партиите на екстремната десница и верската десница, ова е неопходна реформа за ограничување на улогата на Врховниот суд во земја, Израел, каде што нема устав и судиите сами ги толкуваат законите.
За опозицијата и повеќето невладини организации, пак, реформата има за цел да го спаси премиерот од гонење за наводна корупција и да ја загрози демократијата, предизвикувајќи одлив на капитал.
Подготвено од М.Н.
About Author
