18.07.2023 Скопје
Пратеникот на ДПК Енвер Хоџај и пратеникот на Демократскиот сојуз на Косово Мухамет Хамити на своите официјални страни на Фејсбук остро го искритикуваа косовскиот премиер Албин Курти.
Хамити оцени дека поради владата на Албин Курти и потезите што ги прави како премиер, сите ги трпат последиците и додаде дека Курти покажал неодговорност додека бил во опозиција, а тоа го покажува и сега кога е на власт.
Енвер Хоџај пак оцени дека неучеството на косовскиот премиер Албин Курти на средбата во Тирана е дезертирање на надворешната политика на Косово и додаде дека Косово нема право да гласа на Балканот, Европа и светот.
И двајцата пратеници во своите објави истакнаа дека власта е сменета пред две години по волја на граѓаните, но за жал ситуацијата на Косово секој ден оди на полошо.
Подготвено од М.Н.
About Author
