07.07.2023 Скопје
Многу луѓе се свесни дека е важно да се пие вода, но често се среќаваме со различни теории и теореми за тоа колку вода всушност треба да консумираме.
Најчеста теорија е онаа за „8 чаши вода дневно“, што за повеќето луѓе звучи невозможно. Меѓутоа, нутриционистката Марија Ѓурковиќ открива што всушност се крие зад таа реченица:
„Сигурна сум дека знаете за познатото правило „8 чаши вода на ден“, но треба да знаете и дека тоа е погрешно. Кога ќе ви дадам некој совет за исхрана, секогаш нагласувам дека се работи за општи препораки и дека истите количини на храната не можат да бидат идеални за секого. Сега земете во предвид дека водата сочинува најмалку 60 проценти од телото на возрасен и е потребна на сите живи клетки во нашето тело за правилно функционирање. Човек може да издржи до три недели без храна, но само 4 дена без вода (без изложување на сонце и топлина, максимум 7). Ова ни кажува колку е важна водата“, вели нутриционистот и додава: „На прашањата што премногу често ми ги поставувате за пијалоците за детоксикација, а на кои јас секогаш одговарам дека не постојат и дека самото тело ја извршува оваа функција, можеби е поправилно да се одговори дека тој пијалок е вода, нагон за правилно функционирање на органите и тоа „чудо“ што го барате“.
Колку вода навистина ни е потребна, ако правилото за 8 чаши е погрешно?
„Што се однесува до храната, и препораките за вода се разликуваат, а најправилната пресметка ќе ја направите ако пресметате дека е 30-35 мл, по килограм телесна тежина. По таа пресметка на човек од 60-70 кг би одговарале 8 чаши, но ако сте потешки треба да го зголемите внесот. Можеби тоа ви звучи многу, но не заборавајте дека водата внесуваме и преку храната, особено овошјето и зеленчукот. Доколку се храните здраво и обезбедувате доволни количини од овие намирници, преку нив обезбедувате околу 20-30 отсто од препорачаниот дневен внес на вода“, истакнува нутриционистот.
Подготвено од А.Ѓ.
About Author
