05.07.2023 Скопје
Кинеските паметни телефони доминираа на рускиот пазар во првата половина од оваа година, надминувајќи 70 отсто од вкупната продажба, според водечкиот продавач на електроника за широка потрошувачка M.Video-Eldorado.
За споредба, во истиот период лани тие учествуваа со околу 55 отсто од продажбата.
Откако јужнокорејскиот Samsung и американскиот Apple ја намалија продажбата во Русија поради војната во Украина, најпопуларни телефони на рускиот пазар станаа кинеските Xiaomi и Realme.
Целокупната побарувачка за паметни телефони порасна за 17 отсто во споредба со првата половина од минатата година, со речиси 13 милиони продадени уреди.
Русија сега набавува широк спектар на производи од електроника до автомобили во Кина, бидејќи повеќето западни марки се повлекоа од пазарот.
„Кинеските брендови продолжуваат систематски да го зајакнуваат своето присуство“, објави M.Video-Eldorado во вторникот, додавајќи дека предводниците и паметните телефони на преклопување од кинески брендови се особено барани.
Во првите шест месеци од оваа година, кинеските брендови сочинуваат 80 отсто од најпродаваните паметни телефони во Русија, објави водечкиот трговец на мало на електроника за широка потрошувачка.
Кремљ им порача на официјалните лица да престанат да го користат iPhone-от на Apple, велејќи дека западните разузнавачки агенции го компромитираат со инсталирање софтвер за надзор. Apple ги отфрли тврдењата.
Подготвено од А.Ѓ.
About Author
