10.07.2023 Скопје
Кина го забрани увозот на домашни и диви свињи директно или индиректно од Босна и Херцеговина и Хрватска поради африканска свинска чума, се вели во две соопштенија објавени денеска од кинеската Царинска управа.
Во соопштенијата се наведува дека сите домашни и диви свињи кои влегуваат во Кина ќе бидат вратени или уништени.
Министерството за земјоделство, шумарство и водостопанство на Република Српска во сабота на 8 јули соопшти дека африканска свинска чума е потврдена на уште пет локации, односно на вкупно 64 имоти, а нови жаришта се регистрирани во Велино Село кај Бјелина и општина Доњи Жабар.
Стеван Радиќ, началникот на владиниот Оддел за ветеринарна медицина во округот Брчко, во четвртокот, на 6 јули, рече дека во областа Брчко се регистрирани 19 фарми каде што е откриена африканска свинска чума и дека 355 заразени животни биле еутанизирани.
Хрватското Министерство за земјоделство еден ден подоцна објави дека африканска свинска чума во Хрватска е потврдена на еден имот во Сикиревци, во Брод-Посавина и на 34 имоти во Вуковарско-сремската жупанија.
Подготвено од А.Ѓ.
About Author
