27.07.2023 Скопје
Лидерот на Северна Кореја, Ким Џонг-ун, му покажа на рускиот министер за одбрана Сергеј Шојгу, кој беше во посета на Пјојанг, серија оружје доставено до севернокорејските вооружени сили, вклучително и беспилотни летала кои, барем естетски, наликуваат на американски беспилотни летала Rq-4 Global, Хок и Mq-9 Reaper.
Шојгу вчера вечерта беше примен од севернокорејскиот лидер, за време на официјалната посета на руска одбранбена делегација по повод 70-годишнината од крајот на Корејската војна.
Според севернокорејските медиуми, министерот лично на Ким му врачил писмо од претседателот Владимир Путин.
Севернокорејскиот лидер изрази благодарност до рускиот претседател што ја испрати делегацијата предводена од Шојгу во земјата и додаде дека средбата со министерот ги продлабочува „стратешките и традиционалните односи“ меѓу двете земји.
Според рускиот министер, официјалните посети на високи претставници на одбранбените ресори, размената на делегации на двете земји и заедничките воени вежби помогнале да се зачува мирот и стабилноста на Корејскиот полуостров.
Подготвено од М.Н.
About Author
