07.07.2023 Скопје
Постојаните наслаги на бигор не само што ја оштетуваат нашата облека, туку и го скратуваат животниот век на нашата пегла.
За да го спречите ова, ви откриваме неколку ефективни совети и трикови.
На сите ни е познато следново сценарио: Се подготвуваме за важен излет, времето истекува, френетично почнуваме да ја пегламе омилената бела кошула и на наше чудење гледаме дека на неа останале жолтеникави траги кои, се разбира, не може да се извадат само така, чистат, не можеме повеќе да ја облечеме кошулата како што планиравме, расположението автоматски се менува, а нашето добро замислено вечерно излегување на стартот оди залудно.
Да, знаеме, ние сме самите виновни – затоа што не ја исчистивме пеглата навреме, но сега е доцна.
За да не се повтори оваа епизода (токму кога најмалку ви е потребна), важно е да делувате превентивно и малку повеќе да внимавате на одржувањето и чистењето на пеглата.
И ако не знаете како да го направите тоа на најдобар начин, не грижете се – подолу ви пренесуваме корисни совети и ефективни решенија кои ќе направат бигорот на вашата пегла да стане минато.
Како да спречите таложење на бигор на пеглата?
Но, пред да преминеме на конкретни совети, важно е да знаете како да спречите појава на бигор на вашата пегла. Првото и основно правило кога купувате пегла е да проверите што пишува во упатството за употреба што доаѓа со него:
1. Дестилирана вода
Ова првенствено се однесува на типот на вода што треба да ја користите. Иако некои упатства наведуваат дека може да се користи и обична вода, генералната препорака е дефинитивно да се користи дестилирана вода која е специјално подготвена за да се спречи, или барем да се одложи појавата на бигор. Затоа, имајте на ум дека никогаш не треба да користите обична вода, која е прилично тврда, туку само мешавина од дестилирана и обична или само дестилирана.
2. Систем за самочистење
Следната важна ставка се однесува на системот за самочистење. Ако вашата пегла за облека ја има оваа функција, тоа значи дека е таму со причина и треба редовно да ја користите. На овој начин ќе спречите таложење бигор и други нечистотии и ќе го продолжите животниот век на пеглата, како и ќе го заштедите домашниот буџет.
3. Празнење на резервоарот
Последното, но не и најмалку важно правило е дека по секоја употреба на пеглата на пареа, мора да ја исцедите водата од резервоарот. Во спротивно, бигорот само дополнително ќе се насобере, што само ќе го влоши проблемот.
Ако редовно ги следите овие совети, ќе се спасите од нервозата, времето потребно за чистење на пеглата од бигор, но и парите во случај да морате често да купувате нова пегла.
Подготвено од А.Ѓ.
About Author
