25.07.2023 Скопје
Шведската модна компанија H&M ја тужеше компанијата Shein во Хонг Конг, бидејќи верува дека кинеската компанија го украла нејзиниот дизајн и го користела за производство на сопствена облека.
Портпаролот на H&M денеска ја потврди тужбата, велејќи дека Shein „постојано ги копира дизајните“ на шведската фирма, а кинеската компанија соопшти дека нема да коментира за тековниот случај.
Според агенцијата Блумберг, која имала пристап до судскиот налог од јули 2021 година, тужбата трае долго време, а шведската компанија бара отштета и забрана за понатамошно кршење на авторските права.
H&M до судот достави фотографии од десетици предмети, од костими за капење до џемпери, за кои шведската компанија вели дека докажуваат дека Shein ги има украдено нејзините дизајни.
Засега последното рочиште во Високиот суд во Хонг Конг се одржа на 21 јуни, а следното рочиште е закажано за 31 јули.
Во изминатите три години беа поднесени повеќе тужби против Шејн за наводно прекршување на правата на интелектуална сопственост, но ретко е една модна компанија да тужи друга.
Во 2021 година, резултатите од продажбата на компанијата Shein беа значително пониски од оние на H&M, но кинеската компанија забележа нагло зголемување на продажбата поради брзото лансирање на нови производи и успешната дигитална маркетинг стратегија на социјалните мрежи.
Подготвено од А.Ѓ.
About Author
