06.07.2023 Скопје
Автомотосојузот на Македонија соопшти дека делницата Демир Капија – Давидово поради асфалтирање ќе биде затворена за сообраќај од денеска до 20 јули, во периодот од 10 до 16 часот.
Исто така, поради асфалтирање затворена за возила е и делницата Велес – Градско од 4 до 8 јули, од 8 до 18 часот.
Сообраќајот на државните патишта утрово се одвива непречено, по наместа влажни коловози. Според известувањето на АМСМ, интензитетот на сообраќај на патните правци надвор од градските средини е зголемен.
На граничните премини од македонска страна нема подолги задржувања за влез и излез од државата.
Подготвено од А.Ѓ.
About Author
