17.07.2023 Скопје
Бразилскиот претседател Луис Инасио Лула да Силва изјави дека би сакале да имаат договор што ќе го зачува капацитетот на различните страни да одговорат на идните и сегашните предизвици, истакнувајќи ги своите идеи за финализирање на трговскиот договор меѓу Европската унија и латиноамериканскиот трговски блок Меркосур.
Земјите од Латинска Америка и Карибите „бараат инвестиции во инфраструктурата, разновидна логистика, социјална и урбана инфраструктура“, истакна Лула. Воедно, ја истакна и важноста на јавните набавки во трговските односи меѓу Бразил, Аргентина, Парагвај и Уругвај – таканаречениот трговски блок Меркосур – и ЕУ.
Бразилскиот претседател додаде и дека владините набавки „витална алатка за вмрежување на инвестициите во инфраструктурата и одржување на нашата индустриска политика“.
„Договорот меѓу Меркосур и Европската унија, кој треба да биде избалансиран, кој (ние) имаме намера да го склучиме оваа година, ќе отвори нови хоризонти“, додаде Лула.
Подготвено од А.Ѓ.
About Author
