05.06.2023 Скопје
Премиерот на Република Северна Македонија, Димитар Ковачевски, го покани претседателот на политичката партија ВМРО-ДПМНЕ, Христијан Мицковски, на заедничка средба која е закажана на 7 јуни во Клубот на пратеници во 11 часот.
Во соопштението од прес-службата на Владата стои дека, лидерот на политичката партија ВМРО-ДПМНЕ, Мицковски инсистирал на тет-а-тет средба со премиерот Ковачевски.
Од владината прес-служба информираат дека на средбата главна тема ќе бидат одлуките што треба да се донесат во Собранието во однос на евроинтеграциите на државата, како и за пристапот на државата, институциите и сите политички чинители во насока на градење и одржување на добрососедски односи.
Подготвено од М.Н.
About Author
