28.06.2023 Скопје
Унгарскиот министер за надворешни работи Петер Сијарто предупреди дека секој потег насочен кон влошување на односите меѓу ЕУ и Кина ќе биде катастрофален за Унијата.
Тој нагласи дека Кина е стратешки трговски партнер на ЕУ.
Сјарто рече дека секое одвојување од Кина би било „самоубиство“ за европската економија.
„Како можеш да се отцепиш без да ја убиеш европската економија?“, праша Сијарто.
Шефот на унгарската дипломатија рече дека Унгарија не ја гледа Кина како закана, ниту пак гледа причина да ја намали својата зависност од Пекинг во трговијата, на што во март побара претседателката на Европската комисија Урсула фон дер Лајен.
Според него, Унгарија ја гледа Кина како земја со која соработката може да донесе големи придобивки.
Опишувајќи ја политичката атмосфера во Европа како „многу идеолошка и многу емотивна“, Сијарто нагласи дека заканите на Кина се залудни и ги повика другите европски лидери да бидат порационални.
„Очигледно е дека Европејците ќе бидат во загуба ако сакате да се натпреварувате со Кина и да ја гледате како наш ривал“, истакна Сијарто.
Тој повика на враќање на основите на рационалноста, здравиот разум, реалноста и прагматизмот и на уште поголема посветеност со цел да се постигнат поблиски односи со Кина.
Предупредувањето на Сијарт доаѓа во време кога членките на ЕУ не успеваат да најдат единствена стратегија кога станува збор за Кина, поради притисокот од Вашингтон Брисел да заземе повнимателен став кон Пекинг.
САД сè уште се главен трговски партнер на ЕУ, но минатата година Кина беше водечки извозник во Европа и трет најголем купувач на стоки од Унијата.
Подготвено од А.Ѓ.
About Author
