13.06.2023 Скопје
Поранешниот американски претседател Доналд Трамп пристигна во Мајами, каде што треба да се појави пред федералниот суд денеска во 15:00 часот по локално време, на почетокот на неговото судење по кривичната пријава за незаконско чување доверливи документи.
Трамп изјави дека е невин и дека ќе ја продолжи својата кампања за претседателските избори во 2024 година.
„Се надевам дека целата земја гледа што ѝ прави радикалната левица на Америка“, напиша Трамп на својата социјална мрежа „Вистина“, пред да полета за Флорида со приватен авион на кој е испишано неговото презиме.
Поранешниот американски претседател, кој во средата наполни 77 години, го напушти голф-клубот во Бедминстер, Њу Џерси со возило под придружба до аеродромот во Њуарк, каде го чекаше неговиот авион за Мајами.
Неговите поддржувачи чекаа пред голф-клубот во Мајами во сопственост на Трамп, бидејќи тој ќе преноќи таму.
81 отсто од републиканците веруваат дека обвинувањата против Трамп се политички мотивирани.
Анкетата покажува и дека Трамп се уште води во партиската трка за претседателска номинација.
Трамп вети дека ќе ја продолжи својата претседателска кандидатура, дури и ако биде осуден.
Обвинението, објавено во петокот, го товари Трамп за 37 кривични дела поврзани со чување на доверливи документи на неговиот имот Мар-а-Лаго на Флорида.
Обвинението го товари Трамп за загрозување на националната безбедност, а обвиненијата за Законот за шпионажа носат значителни затворски казни.
Подготвено од А.Ѓ.
About Author
