30.06.2023 Скопје
Вчеравечер избувнаа немири во Брисел. Белгиската полиција изврши рација. За време на рацијата, полицијата барала сомнителни млади луѓе и им ги побарала факелите.
Повеќето од приведените се ослободени по проверка на документите.
За време на немирите беа запалени неколку автомобили, а како што изјави портпаролката на полицијата Илсе Ван Де Кеир, во текот на денот на социјалните мрежи кружеа повици да се излезе на улица „како во Франција“.
Метро станицата Анисен е затворена поради граѓански немири поврзани со полициското убиство на 17-годишник во Франција.
Противпожарната бригада во Брисел ја опиша ситуацијата како „екстремно напната“.
Во Брисел моментално се одржува дводневен самит на шефови на држави и влади на ЕУ посветен на ситуацијата во Украина и миграциските прашања.
Во Франција избувнаа нереди откако полицијата уби седумнаесетгодишен тинејџер во Нантер, предградие на Париз.
❗️ [ 🇧🇪 BELGIQUE ]
🔸 La colère passe les frontières françaises et touche la Belgique. Suite à la mort de Nahel, des appels ont été lancés à Bruxelles et la situation a rapidement dégénéré. Plus d’une dizaine de personnes ont été arrêtées. La STIB annonce que le trafic des bus… pic.twitter.com/amBpBMM5HY
— (Little) Think Tank (@L_ThinkTank) June 29, 2023
Подготвено од А.Ѓ.
About Author
