21.06.2023 Скопје
Вториот син на американскиот претседател Џо Бајден, Хантер, постигна спогодба со федералните обвинители во која ќе се изјасни за виновен за нелегално поседување огнено оружје и затајување данок.
Договорот, кој треба да му овозможи на Хантер Бајден да избегне затворска казна, во секој случај ќе треба да биде одобрен од федералниот судија. Обвиненијата поднесени против 53-годишниот бизнисмен се однесуваат на кривични дела кои наводно биле извршени во периодот од 2017 до 2018 година, во период во кој неговиот татко не бил на државни функции.
Истрагата беше отворена во 2018 година, под претседателство на Доналд Трамп, и генерира живи контроверзии од 2020 година, со републикански политичари кои постојано ја обвинуваа администрацијата на Бајден дека сака да го прикрие или забави случајот.
Условите на договорот беа преговарани со адвокатот на Делавер, Дејвид Вајс, назначен од Трамп. Засега не е јасно кога Хантер Бајден ќе биде повикан на суд. Според едно од двете точки, Хантер Бајден наводно не пријавил и платил даноци од околу 1,2 милиони долари во периодот од 2017 до 2018 година.
Одбраната вели дека синот на Бајден веќе ја извршил исплатата на даночните власти од доспеаната сума.
Другото обвинение се однесува на набавка на пиштол во 2018 година, во период во кој Хантер Бајден, како што самиот раскажува во својата автобиографија, користел кокаин. При пополнувањето на документите неопходни за купување на оружјето, Бајден криел дека има проблеми со дрогата. Со признавањето на ова обвинение, Хантер Бајден ќе мора да влезе во програма за закрепнување од наркотични супстанци.
Подготвено од М.Н.
About Author
