05.06.2023 Скопје
Тоа што беше јасно од претходно сега само доби официјална потврда, ПСЖ се збогуваше со Лионел Меси кој си заминува од Париз по две сезони.
Од фудбалскиот клуб официјално беше потврдено дека Лионел Меси го одигра својот последен натпревар во дресот на ПСЖ и засега не е познато каде ќе ја продолжи кариерата.
ПСЖ заминувањето на Аргентинецот го потврди непосредно пред саботниот натпревар против Клермон во кој Меси доби свирежи од навивачите.
По објавата дека заминува Инстаграм профилот на ПСЖ падна од 70.4 милиони следбеници на 68.7 колку што има во овој момент, а се забележа пад и на Твитер каде што бројот на следбеници на парижаните се намали за десетици илјади „навивачи“.
Засега Меси најмногу се поврзува со враќање во Барселона, но се шпекулира и се поврзува и со клубот Ал Хилал од Саудиска Арабија кој наводно му нуди договор од 1.2 милијарда евра за две години.
Подготвено од М.Н.
About Author
