09.06.2023 Скопје
Од Министерството за внатрешни работи соопштија дека полицијата од Одделението за криминалистичка полиција при СВР Битола во текот на вчерашниот ден уапсила две лица кај кои се пронајдени и одземени оружје, муниција и украдени предмети.
При претрес во домот на 26-годишниот К.Ј. од Битола пронајдени се и одземени пиштол „зораки”, две рамки за пиштол и 48 куршуми. Лицето со иницијали К.Ј. било задржано во полициска станица и по целосно документирање на случајот против него ќе биде поднесена соодветна пријава.
Исто така во текот на вчерашниот ден при претрес во домот на 43-годишниот В.А., извршен со судска наредба, биле пронајдени и одземени муниција и предмети кои потекнуваат од тешка кражба извршена на 02.06.2023 од страна на неговите малолетни деца.
Со приведените бил извршен службен разговор во полициска станица, при што го признале делото, и по целосно документирање на случаите против нив ќе бидат поднесени соодветни пријави.
Подготвено од М.Н.
About Author
