12.06.2023 Скопје
Кога ќе слушнете „сок од брусница“, можеби ќе помислите на вкусен коктел или можеби сте слушнале дека овој сок може да помогне во лекувањето на инфекции на уринарниот тракт.
Во двата случаи сте во право, но сокот од брусница може да понуди многу повеќе.
Сокот од брусница е богат со витамини Ц, Е и фитохемикалии, со силно антиоксидативно дејство. Моќните антиоксиданси го штитат организмот од штетни материи кои придонесуваат за стареење и се поврзани со хронични болести.
Продолжете да читате за да дознаете 5 важни здравствени придобивки што можете да ги добиете од уживањето во овој вкусен сок.
Сокот од брусница е богат со полифеноли
Конзумирањето сок од брусница е вообичаена препорака за заштита од инфекции на уринарниот тракт, главно поради растителни соединенија наречени полифеноли. Истражувањата укажуваат на способноста на брусницата да го инхибира растот на патогени бактерии во уринарниот тракт и да помогне во намалување на воспалението. Истите растителни соединенија имаат корист и за оралното здравје, намалувајќи го ризикот од кариес и проблеми со непцата.
Богат е со антиоксиданси
Сокот од брусница може да помогне да се спречи растот на одредени видови бактерии во дигестивниот тракт, што може да промовира здрав цревен микробиом. Ова се случува затоа што овошјето е богато со антиоксиданси, за кои е познато дека имаат антиинфламаторни ефекти кои се корисни за целото тело и долгорочно здравје. Брусницата исто така има добра количина на растителни влакна кои промовираат добро здравје на цревата.
Полн е со феноли
Познато е дека брусницата е извор на фенолни соединенија, за кои е докажано дека помагаат во инхибирање на растот на канцерогените клетки во телото и, доколку ракот е веќе дијагностициран, помагаат да се запре неговата прогресија.
Дополнителен извор на магнезиум
Магнезиумот го промовира здравјето на коските, што може да помогне да се намали ризикот од остеопороза и фрактури. Јадењето повеќе храна богата со магнезиум е одличен начин за природна заштита на вашите коски, особено за жените кои се изложени на ризик од ниска коскена маса, како што се постарите лица.
Богат е со витамин Ц
Истражувањата покажуваат дека сокот од брусница може да ги намали факторите на ризик за кардиоваскуларни болести, како што е намалување на крвниот притисок. Ова делумно може да се должи на фактот дека сокот од брусница е добар извор на витамин Ц. Некои истражувања покажуваат дека земањето додатоци на витамин Ц исто така може да доведе до помирен сон.
Подготвено од А.Ѓ.
About Author
