28.06.2023 Скопје
Две фрегати на руската Пацифичка флота пловеа во близина на Тајван вчера доцна вечерта, соопшти портпаролот на Министерството за национална одбрана на Тајван, Сун Ли-Фанг, според кој „вчера во 23 часот (по локално време) биле идентификувани две руски фрегати кои пловеле југо-североисточно од нивните територијални води.
Според портпаролот, Националната армија користела заеднички разузнавачки, надзорни и извидувачки методи за да ја потврди динамиката на руските бродови и мобилизирала авиони на мисијата, бродови и крајбрежни ракетни системи за внимателно следење на ситуацијата.
Преминот на двата воени брода доаѓа во чувствителен момент за Русија, потресена од краткотрајното востание на паравоената група Вагнер, предводена од Евгениј Пригожин, и за Тајван, кој се соочува со секојдневни воздушни и поморски упади од Кина.
Подготвено од М.Н
About Author
