08.06.2023 Скопје
Истражувањето спроведено од Универзитетскиот колеџ во Лондон (UCL) и Универзитетот во Ексетер го испита влијанието на долгорочниот Ковид-19 врз животите на 3.754 лица хоспитализирани поради оваа болест.
Како дел од студијата, пациентите мораа да одговараат на прашања во апликацијата за тоа колку долго Ковид-19 влијае на нивниот секојдневен живот и да дадат оценка од 0 до 40 за да ја покажат сериозноста на состојбата.
Утврдено е дека просечните резултати за замор се слични или полоши отколку кај пациентите со анемија поврзана со рак или тешка бубрежна болест, а резултатите за квалитетот на животот исто така биле пониски од оние со напреднат карцином.
Научниците сугерираат дека влијанието на долгорочниот ковид врз секојдневните активности на пациентите е посилно отколку кај пациентите кои претрпеле мозочен удар и е споредливо со пациентите со Паркинсонова болест.
За долготраен ковид, луѓето мора да имаат континуирани симптоми 12 недели по акутна инфекција со коронавирус.
Според NHS, Националната здравствена служба на Британија, главни показатели за долгорочниот Ковид-19 се екстремен замор, отежнато дишење, губење на мирис и болки во мускулите.
Д-р Хенри Гудфелоу од Институтот за епидемиологија и здравје на UCL, еден од водачите на студијата, рече дека влијанието сè уште не е целосно разбрано.
„Нашите резултати открија дека продолжениот ковид има разорно влијание врз животите на пациентите, при што заморот е најголемо влијание врз сè, од социјалните активности до работата, одговорностите и одржувањето блиски односи“, рече тој.
Научниците исто така изјавија дека долгорочниот ковид може да има „значително економско и социјално влијание“.
Од анкетираните во студијата, 94 отсто биле на „работна возраст“ (помеѓу 18 и 65 години), од кои 51 отсто изјавиле дека не биле способни да работат барем еден ден во изминатиот месец.
Подготвено од А.Ѓ.
About Author
