06.06.2023 Скопје
Кандидатот за премиер на Бугарија, Никола Денков, од собраниската говорница истакна дека, денес е тој ден кога може да се даде надеж на граѓаните на Бугарија и да се формира долгоочекуваната стабилна Влада.
Мандатарот на новата бугарска Влада нагласи дека денеска е денот да се избере влада која ќе има храброст и стручност да ги донесе важните одлуки и да сноси одговорност за нив.
Денков додаде дека доколку биде избран за премиер на Бугарија, ќе се обврзе да поднесе предлог-буџет со три отсто дефицит, да ги исполни обврските од меѓународната програма, да работи за влез на Бугарија во Шенген и во еврозоната, да работи во тесна координација со Националното собрание за спроведување на законодавна програма, вклучувајќи и измени на Уставот.
Кандидатот за премиер Никола Денков исто така ја претстави структурата и составот на предлог-владата „Денков-Габриел“, прецизирајќи дека првите девет месеци тој ќе биде премиер, а вторите девет месеци на функцијата ќе биде Марија Габриел од партијата (ГЕРБ-СДС).
Подготвено од М.Н.
About Author
