06.06.2023 Скопје
Американската комисија за хартии од вредност (SEC) поднесе тужба против најголемата платформа за размена на криптовалути во светот, „Binance“, во која е наведено лошото управување со заштедите на своите клиенти и за лажење на инвеститорите и регулаторните ентитети.
Локалните медиуми пренесуваат дека според документите презентирани од SEC, „Binance“ префрлил милијарди долари од своите клиенти на друга компанија, контролирана од истиот основач на платформата „Changpeng Zhao“.
Компанијата, исто така, е обвинета дека ја крие од своите инвеститори несоодветноста на нејзините системи насочени кон идентификување и следење на какви било акции за манипулација на пазарот.
„Веруваме дека Жао и ентитетите на „Binance“ ги знаеја правилата, но свесно решија да ги избегнат со тоа што ќе ги стават на ризик нивните клиенти и инвеститори“, објаснува извршниот директор на SEC, Гурбир Гревал. Комисија за тргување со фјучерси на стоки (Cftc), исто така поднесе правна постапка против Жао и „Binance“.
Подготвено од М.Н.
About Author
