27.06.2023 Скопје
Хрватскиот ветеринарен институт потврдил африканска свинска чума во примероци земени од свињи од два одгледувалишта во областа Посавски Подгајац во Вуковарско-сремската жупанија, соопшти Министерството за земјоделство.
Присуството на болеста е потврдено вчера, а ова е првпат да се потврди африканска свинска чума во Хрватска, јавуваат хрватските медиуми.
Станува збор за два помали објекти каде свињите се чувале на отворено.
Ветеринарната инспекција нареди прелиминарни контролни мерки и тоа забрана за движење на свињите, задолжителна примена на дезинфекција и употреба на заштитна опрема.
Се утврдуваат контролни мерки, вклучително и убивање на преостанатите свињи на објектот, определување зони за ограничување, собирање епидемиолошки информации и утврдување на контакт објекти и можно ширење на болеста на други локации.
Подготвено од А.Ѓ.
About Author
