20.05.2023 Скопје
Денеска јапонското Министерство за надворешни работи соопшти дека украинскиот претседател Володимир Зеленски ќе присуствува на самитот на Групата седум во јапонскиот град Хирошима.
„Владата на Јапонија одлучи да одржи седница на тема Украина со лидерите на Г7 на 21 мај, последниот ден од самитот, со лично присуство на украинскиот претседател Володимир Зеленски“, соопшти Министерството.
Зеленски ќе се сретне и со јапонскиот премиер Фумио Кишида.
Според јапонските дипломати, Зеленски се очекуваше да учествува на самитот преку видео врска, а договорот беше постигнат за време на посетата на Кишида на Киев во март.
Зеленски подоцна „изрази силна желба лично да присуствува на самитот“, а јапонската влада се согласи.
Во меѓувреме, советникот за национална безбедност на Белата куќа, Џејк Саливан, им изјави на новинарите на маргините на самитот на Г7 во Хирошима дека Вашингтон не го организирал патувањето на Зеленски во Јапонија.
Подготвено од А.Ѓ.
About Author
