12.05.2023 Скопје
Претседателот на Србија, Александар Вучиќ денеска изјави дека ќе се исполнат сите барања на родителите од ОУ „Владислав Рибникар“.
„Премиерот вчера имаше средба со претставникот на Советот на родители од ОУ „Владислав Рибникар“ и ние сме целосно подготвени да ги исполниме сите седум нивни барања“, рече Вучиќ.
Тој рече дека „нивните барања се разумни и рационални“.
Според Вучиќ, барањата во вакви тешки времиња беа неопходни за да се разјаснат сите работи и да се види како може да им се помогне на нашите деца во иднина.
Тој посочи дека ќе бидат ангажирани најдобрите светски експерти, кои заедно со локални експерти ќе им помогнат на децата и родителите.
Вучиќ додаде дека парите за дополнителни трошоци веќе се исплатени на Институтот за ментално здравје во Белград.
„Очекуваме 56+100. Тоа се 156 психолози. Морам да им се заблагодарам на психолозите. 250 од нив се пријавиле и сакаат да им помогнат на сите на кои им се заканува“, рече тој, додавајќи дека верува дека државата ќе има можност да ги вработи сите 250 нив.
Тој истакна дека е особено задоволен од испраќањето полицајци во училиштата и изјави дека „задоволни се и децата и родителите“.
Вучиќ изјави дека присуството на полицајци во училиштата драстично ќе ја намали стапката на насилство од врсници, како и насилството врз наставниците.
Подготвено од А.Ѓ.
About Author
