23.05.2023 Скопје
Поранешната европска комесарка Марија Габриел, задолжена за политичките преговори во Република Бугарија во име на конзервативците, најави компромис со либералниот табор за формирање „стабилна влада“ и избегнување нови избори.
Габриел беше пратеничка на Европскиот парламент, потпретседателка на Европската народна партија (ЕПП), најголемата група во ЕП, и комесарка во два мандати.
44-годишната функционерка, која минатата недела поднесе оставка на функцијата во Брисел, прво ќе биде потпретседателка на владата, предводена од 60-годишниот истражувач Николај Денков, кого го избра либералната коалиција, а потоа по девет месеци ќе го преземе водството на владата.
Како што оценуваат аналитичарите, владата не е формирана и поради острата поларизација меѓу партиите, а недоволната сила на секоја од нив спречуваше формирање стабилна влада.
Бугарија која е најсиромашната држава во ЕУ на 2 април ги одржа своите петти парламентарни избори во овие две години, каде и по тие избори различните политички партии не успеаја да се договорат и да формираат стабилна влада.
Подготвено од М.Н.
About Author
