29.05.2023 Скопје
Европската комисија соопшти дека социјалната мрежа Твитер се повлече од доброволниот кодекс на Европската унија за борба против дезинформации на Интернет.
Европскиот комесар за внатрешен пазар Тиери Бретон рече дека Твитер се откажува од доброволниот Кодекс на добра практика за спротивставување на дезинформациите. Но, обврските остануваат.
Кодексот вклучува обврска да се следи политичкото рекламирање, да се запре финансирањето на авторите на дезинформации и да се соработува со организации за проверка на факти.
Бретон рече дека борбата против дезинформациите ќе биде законска обврска според таканаречениот Закон за дигитални услуги, кој ќе стапи на сила на 25 август.
Новиот закон, исто така, значи дека компаниите ќе мора да ги ублажат своите платформи и да ги отстранат штетните содржини како што се дезинформациите и да воведат протоколи за да го блокираат нејзиното ширење.
Компаниите исто така мора да ја зголемат транспарентноста во однос на нивниот однос со нивните корисници и да ги поедностават договорите со нив.
Твитер и другите социјални мрежи, вклучувајќи ги ТикТок, Мета и Гугл, го потпишаа доброволниот кодекс во 2018 година.
Во февруари, Европската комисија објави извештај за тоа како платформите го имплементираат кодексот и посочи дека Твитер не дава „конкретни информации или насочени податоци“ поврзани со обврските за транспарентност.
Подготвено од А.Ѓ.
About Author
