15.05.2023 Скопје
Додека пребројувањето на гласовите продолжува во Турција, гласовите од трите најголеми градови Истанбул, Анкара и Измир би можеле да го променат исходот од изборите.
Досега во Турција се преброени повеќе од 60 отсто од гласовите, а во моментов води Реџеп Таип Ердоган, но поголемиот дел од гласовите во најголемите градови допрва треба да се пребројат.
Истанбул има 16 милиони жители, додека главниот град Анкара и западниот град Измир имаат вкупно 10 милиони жители, а во сите три се преброени само половина од гласовите.
Медиумите во Турција шпекулираат дека Кемал Киличдароглу води во Измир и Истанбул, додека во Анкара Ердоган е тесно во водство.
Градоначалникот на Анкара изјави дека Киличдароглу ќе победи кога ќе дојдат резултатите од овие три големи градови.
На социјалните мрежи се огласи и Реџеп Таип Ердоган каде им се заблагодари на турските гласачи за нивното учество на изборите и ги повика функционерите на неговата партија да не ги напуштаат гласачките кутии до конечното пребројување.
Подготвено од М.Н.
About Author
