05.05.2023 Скопје
Евростат објави дека побарувачката за природен гас во ЕУ е намалена за 13,2 отсто во 2022 година во однос на 2021 година.
Бројката од 13,72 милиони тераџули гас е трета најниска од 2008 година, кога почнаа да се собираат податоците.
Во 2022 година, потрошувачката на гас падна во речиси сите земји на ЕУ, освен Ирска и Малта.
Германија ја намали потрошувачката на гас за 15,4 отсто во споредба со 2021 година, Италија за 9,9 отсто, а Франција за 9,6 отсто.
Според Евростат, во 2022 година ЕУ увезла 6,6 отсто помалку природен гас отколку во 2021 година.
Во 2021 година Русија и Норвешка, со слично учество од 24 отсто, беа главните извозници на гас во ЕУ, но следната година ситуацијата значително се промени.
Норвешка беше главен снабдувач на гас за ЕУ со 24,4 отсто во 2022 година, додека уделот на Русија падна на 15,3 отсто.
Увозот на гас од САД се зголеми на 9,8 отсто, како и од Алжир 8,3 отсто и Катар 6,7 отсто.
Овој резултат треба да се гледа во контекст на целта на ЕУ да ја намали зависноста од рускиот гас.
Минатата година Брисел постави цел за земјите-членки на ЕУ да ја намалат потрошувачката на гас за 15 отсто во периодот меѓу август 2022 година и март 2023 година, во споредба со просекот за последните пет години во истиот период.
Целта е постигната. Потрошувачката на природен гас во ЕУ во периодот од август 2022 до март 2023 година е намалена за 17,7 отсто во однос на просекот за изминатите пет години, помеѓу 2017 и 2022 година, во истиот период.
Подготвено од А.Ѓ.
About Author
