16.05.2023 Скопје
По опсежната операција на крајот на март, кога припадниците на германската царина открија 22 работници од Босна и Херцеговина и Србија, кои работеле на црно, денеска повторно е извршена контрола и откриени се уште четворица илегални работници од балканските земји.
„Овој пат немаше 100 членови на Царината, туку помал тим истражители, но успеаја да откријат четворица работници без работна дозвола“, изјави Томас Зиман, портпарол на Царината во Штутгарт. Тој додаде дека тројца од четворица работници мора веднаш да ја напуштат Германија.
„Тројцата кои вршеа електро и водоводни работи дојдоа во Германија како туристи, додека четвртиот работник има дозвола за престој во Германија, но не и работна дозвола“, рече портпаролот на Царината. Еден додаде дека тројцата работници мора да платат казна и да испратат доказ дека навистина ја напуштиле Германија.
Инаку, двајца работници работеа во фирма која веќе беше нападната на крајот на март и против која беше поведена постапка.
Да потсетиме, во последната голема акција, припадниците на германската царина извршија неколку рации на градилишта низ Германија за да го проверат статусот на работниците и во таа прилика открија десетици случаи на нелегална работа, главно работници од Босна и Херцеговина, Србија, Албанија и Грузија. Една од најголемите акции беше спроведена во Дизелдорф на градилиштето на улицата Ванхајмер, недалеку од аеродромот. Само овде се приведени 19 работници кои работеле на црно, главно од Босна и Херцеговина. Сите тие во меѓувреме ја напуштија Германија.
Подготвено од А.Ѓ.
About Author
