12.05.2023 Скопје
Без разлика дали барате филм кој ќе ве натера да размислувате за животот или едноставно сакате нешто што ќе ви донесе солзи, овие филмови се совршен избор.
Нетфликс објави листа на тажни филмови кои моментално се достапни на платформата, а во продолжение ви ги претставуваме најтажните од нив. Секој од овие филмови има уникатна приказна и длабоки емотивни моменти кои ќе ве допрат до срж.
1. „All the Bright Places“
И покрај неговиот наслов, овој трогателен тинејџерски филм истражува мрачни теми. Финч (Џустис Смит) и Вајолет (Ел Фенинг) се среќаваат под необични околности, а пријателството и љубовта стануваат единствениот извор на светлина во нивните мрачни животи. Дали ќе биде доволно да се спасат од духовите на минатото?
Филмот е заснован на истоимениот роман на писателката Џенифер Нивен, а го режираше Брет Хејли.
2. „Five Feet Apart“
Ако сте обожавател на „The Fault in Our Stars“, ќе ви се допадне оваа. Двајца тинејџери со цистична фиброза се заљубуваат, но има еден проблем: тие мора да бидат оддалечени најмалку 180 сантиметри за да се заштитат од инфекција. Дали нивната љубов ќе успее и покрај ова болно правило?
Режисер на филмот е Џастин Балдони, а негова инспирација е приказната за активистката Клер Вајнленд, која почина пред премиерата на филмот.
3. „My Girl“
Овој класичен филм од 90-тите ја следи приказната за Вада (Ана Члумски), ќерка на сопственик на погребна куќа и нејзиниот најдобар пријател Томас (Макаулај Калкин), момче кое е алергично на сè и нивната борба со загубата и растењето.
Филмот го режираше Хауард Зиф, а покрај Калкин и Члумски играат Џејми Ли Кертис и Ден Ајкројд.
4. „Still Alice“
Џулијан Мур доби Оскар за улогата на Алис Хауланд, професорка по лингвистика која боледува од Алцхајмерова болест. Како што болеста напредува, семејството мора да се справи со загубата на саканата личност и да најде начини да им помогне, додека Алис се бори со губењето на идентитетот.
Филмот е адаптација на истоимениот роман на Лиза Џенова, а инспирација за книгата и филмот била нејзината баба која боледувала од Алцхајмерова болест.
5. „Roma“
Првиот мексикански филм кој доби Оскар за најдобар странски филм ја следи приказната за Клео (Иалица Апарицио), домаќинка која работи за богато семејство во Мексико во текот на турбулентните 70-ти. Таа дознава дека е бремена, поради што нејзиното момче ја остава. Рома е визуелно убаво дело кое истовремено дава интензивно емотивно доживување.
Филмот на Алфонсо Куарон освои Оскар за кинематографија и најдобар режисер.
Подготвено од А.Ѓ.
About Author
