06.05.2023 Скопје
Најголемата соларна централа во Европа, една од петте најголеми во светот, се наоѓа во Турција и е пуштена во употреба.
Оваа соларна централа се наоѓа во провинцијата Коња, 200 километри јужно од Анкара, претседателот на оваа земја нагласи дека сака енергетски независна Турција и дека за време на изградбата на оваа централа била откриена многу квалитетна нафта во регионот на Анадолија.
Електраната располага со повеќе од три милиони соларни панели, кои според проценките треба да произведуваат три милиони киловат-часови електрична енергија годишно, а со тоа да снабдуваат два милиони граѓани со електрична енергија, што е исто така голема сума заштеда на фосилни горива.
Електраната развиена од „Калион енерџи“ вреди околу една милијарда долари, а како што пренесуваат светските медиуми нејзиниот капацитет е 1.350 мегавати, а очекуваното намалување на штетните гасови изнесува еден и пол милион тони CO2.
Доколку Турција продолжи со ова темпо со развојот на обновливите извори на енергија, би станала кандидат за еден од десетте најголеми пазари во светот, а со тоа и еден од најголемите пазари за ОИЕ во Европа.
Подготвено од А.Ѓ.
About Author
