18.05.2023 Скопје
Неколку лица се повредени во Лос Анџелес, САД, кога во населбата Енсино биле пријавени голем рој пчели кои ги напаѓале локалните жители.
Жителите во населбата се предупредени да останат внатре и да ги затворат сите прозорци и врати, откако беше пријавен рој кој остави еден маж хоспитализиран со повеќе убодни рани.
Волонтер од полицијата во Лос Анџелес се обидувал да ги исфрли пчелите од неговото лице додека одел по улицата и во еден момент паднал на асфалтот. Тој се обидел да стане додека пчелите продолжиле да се собираат околу неговата глава и тело и паднал по втор пат. Тој останал при свест и од падот се здобил со неколку расекотини и набиеници.
На местото на настанот му била укажана помош со возило на брза помош, а потоа е пренесен во локалната болница на понатамошно лекување.
„За среќа, тој е во стабилна состојба во локалната болница“, соопшти полицијата во објава на Твитер.
Најмалку уште една жена беше избодена повеќе пати и самата отиде во локална болница како мерка на претпазливост.
На местото на настанот бил повикан професионалец за да ги отстрани пчелите.
Според некои извештаи, можеби имало илјадници пчели во ројот.
Подготвено од А.Ѓ.
About Author
