29.05.2023 Скопје
Во близина на киевскиот аеродром Зулјани може да се забележи чад, додека во центарот на градот се слушаат експлозии, при што е прогласена тревога за воздушна закана и активиран е системот за противвоздушна одбрана.
Денеска повторно се слушнаа експлозии во центарот на украинската престолнина Киев, по новото предупредување за воздушна опасност.
Градоначалникот на Киев, Виталиј Кличко објави дека има експлозии во центарот на Киев и ги повика жителите да останат во засолништа.
Во моментов е прогласена тревога за воздушен напад во поголемиот дел од Украина, вклучувајќи го и Киев.
Русија рано утринава започна нов бран воздушни напади врз Киев со помош на беспилотни летала и крстаречки ракети.
Во 15-тиот руски воздушен напад овој месец и втор по ред во последните два дена, немаше големи штети или жртви во Киев, тврдат украинските власти, но во објава на каналот Телеграм, градоначалникот на Киев, Виталиј Кличко напиша дека минатото ноќ била тешка.
Подготвено од А.Ѓ.
About Author
