12.05.2023 Скопје
Норвешка во четвртокот го презеде ротирачкото претседавање со Арктичкиот совет од Русија поради загриженоста дека работата на меѓувладиното тело од осум нации за заштита на чувствителната средина е загрозена поради прекинот на соработката со Москва за специјална воена операција на украинска територија.
Во март 2022 година, седумте западни членки на Арктичкиот совет, кој не се занимава со безбедносни прашања, туку прави обврзувачки договори за животната средина и им дава глас на домородните народи во арктичкиот регион, го суспендираа своето учество во меѓувладиното тело како одговор на руската специјална воена операција во Украина еден месец претходно.
Земјите – Канада, Данска, Финска, Исланд, Норвешка, Шведска и САД – рекоа дека нема да испратат претставници на состаноците на советот во Русија – најголемата арктичка држава во светот – иако и понатаму се убедени во вредноста на арктичката соработка.
Истражувањата во кои е вклучена Русија, од климатски работи до мапирање на поларните мечки, се ставени на мирување, а научниците го изгубиле пристапот до важни објекти на рускиот Арктик.
Арктичкиот совет, кој опфаќа област каде што живеат повеќе од 4 милиони луѓе, е едно од ретките места каде Русија седи на иста маса со западните земји.
За време на двегодишното руско претседателство, Арктичкиот совет се соочи со најголемата закана за своето постоење откако е основан во 1996 година.
Подготвено од А.Ѓ.
About Author
