06.05.2023 Скопје
Никола Јокиќ е кошаркарски уникатен, но и човек кој не престанува да ги поместува границите.
НБА лигата игра веќе 76 години, но тоа што го направи Никола Јокиќ против Феникс (121-114) ниту еден играч не успеа. Барем не во иста ноќ.
Јокиќ одигра навистина нереална партија. До трипл-дабл стигна за 28 минути поминати на паркетот, а заврши со импресивни бројки. Постигна 30 поени и забележа по 17 скока и асистенции, од кои во првата четвртина подели седум асистенции што е негов личен рекорд.
Ниту еден играч во историјата пред него не постигнал повеќе од 25 поени, и 15 или повеќе скока и асистенции на еден натпревар.
Сепак, тоа не е чудно бидејќи многу рекорди беа недопирливи се додека Јокиќ не дојде во лигата. Српскиот центар со трипл-дабл учинок за центар се израмни по бројот на натпревари во плеј-офот. Сега има девет исто како и големиот Вилт Чембрлен.
Подготвено од А.Ѓ.
About Author
