23.05.2023 Скопје
Претседателот на Република Српска, Милорад Додик, синоќа пристигна во Москва, каде беше најавена неговата средба со рускиот претседател, а на првиот ден од таа посета се сретна со Николај Патрушев, секретарот на Советот за безбедност на Русија и еден од најблиските соработници на рускиот претседател.
Националната телевизија на Република Српска објави кратко видео од средбата на Додик и Патрушев, на која учествувале и нивни соработници.
Патрушев изјави дека е „многу благодарен“ на Додик за доаѓањето во Русија, изразувајќи задоволство од се посилните врски со Република Српска, чии власти отворено ја поддржуваат Москва во нејзината конфронтација со Западот и одбиваат да ја осудат руската инвазија на Украина.
Подготвено од М.Н.
About Author
