22.05.2023 Скопје
Италијанската премиерка Џорџија Мелони вети дека ќе го поддржи закрепнувањето во областите погодени од поплавите во северна Италија, откако претходно се врати од самитот на Г7 во Јапонија за од прва рака да ги види штетите.
Таа ги посети градовите во регионот Емилија Ромања, каде во поплавите загинаа 14 луѓе и предизвикаа штета од неколку милијарди евра.
„Тоа беше трагедија, но секогаш можеме силно да се опоравиме од кризата“, им рече Мелони на новинарите во Равена, една од тешко погодените области.
Таа додаде дека е трогателно искуство „да се сретнам со погодените од поплавите“.
Премиерката, која ја предводи десничарската влада, рече дека штетата е огромна, но дека е тешко да се каже точно какви се финансиските последици.
„Ќе ги најдеме потребните средства“, додаде таа, велејќи дека Италија може да се обрати до Фондот за солидарност на ЕУ за природни катастрофи.
Колегите лидери на самитот на Г7 во јапонскиот град Хирошима понудија и различни форми на поддршка, додаде Мелони.
Подготвено од А.Ѓ.
About Author
