18.05.2023 Скопје
Екипата на Манчестер Сити го прегази Реал Мадрид на „Етихад“, со убедлив резултат, со што Реал Мадрид не успеа да ја одбрани титулата во Лигата на шампионите освоена минатата сезона кога славеше над Ливерпул.
По нерешените 1:1 во првиот натпревар на стадионот „Сантјаго Бернабеу“, на реваншот на „Етихад“ Манчестер сити убедливо со 4:0 ги совлада „кралевите“.
Првите два гола за Сити ги реализираше Силва во 23 и 37 минута, а предноста беше зголемена на 3:0 во 76 минута, кога стрелаше Аканџи, а конечниот епилог беше поставен во самиот финиш (90+1`) преку Алварез по асистенцијата на Фоден.
За Манчестер сити ова ќе биде второ финале во ЛШ во својата клупска историја, првото го имаше во 2021 година кога загуби од Челси.
Во големото финале кое ќе се одржи во Истанбул, Турција на 10 јуни, Манчестер Сити ќе се соочат против екипата на Интер.
Подготвено од М.Н
About Author
