30.05.2023 Скопје
Majaми мајсторски го совлада Бостон со краен резултат 103:84 за 4:3 во серијата и обезбеди финале во кое ќе игра против Денвер.
Бостон од негатива 3:0 дојде и израмни до 3:3, меѓутоа не успеа да направи пресврт во резултатот и да оди во финале.
Во историјата НБА лигата претходно 150 екипи во плеј-офот имале заостанување од 3:0 и ниту една не успеала да излезе како победник.
Тежок удар за Бостон беше повредата на Џејсон Тетјум уште на стартот од натпреварот, но сепак остана на паркетот до крајот на натпреварот иако можеше да се забележи дека не може да игра како вообичаено. Мечот го заврши со 14 поени и 11 скока.
Џими Батлер од Мајами беше најефикасниот на мечот со 28 поени, тој ја доби и наградата за МВП во финалето на Истокот. Во редовите на Бостон Џејлен Браун беше најефикасен со 19 поени.
Подготвено од М.Н.
About Author
