15.05.2023 Скопје
Ако не можете отворено да зборувате за содржините што ги гледаат и следат вашите деца, постои начин да го направите тоа без да ја разнишате нивната доверба.
Бидејќи на мрежите се е повеќе од достапно, безбедноста на интернет станува еден од императивите на секое семејство.
Постојат неколку начини да проверите што гледа вашето дете на YouTube, а еден од најлесните е да ја проверите неговата историја на гледање.
Чекорите се како што следува:
* Одете на www.youtube.com на уредот што го користи вашето дете;
* Одете во лентата со мени во горниот лев агол и кликнете на историјата;
* Откако ќе кликнете, можете да ја видите историјата на гледање на вашето дете и
* Скролајте надолу за да видите што гледа вашето дете.
Забелешка: Ако историјата е празна, постои голема веројатност вашето дете да ја брише.
Како да го направите истото на мобилните телефони?
* Отворете ја апликацијата YouTube на уредите;
* Кликнете на копчето Библиотека во менито на дното на апликацијата;
* Изберете „Историја“ за да видите што гледаат младите на платформата.
Апликации за следење на содржината
Различни апликации за следење на вашите малечки можат да ви бидат сојузник, а една од нив е апликацијата FamiSafe за YouTube, која работи и на Android и на iOS уреди.
Со оваа апликација можете да го направите следново:
* Блокирање на апликации;
* Поставете временско ограничување за користење на апликацијата;
* Следење на историјата и блокирање на видео содржини.
Ова ви дава флексибилност да следите што гледаат вашите деца на апликацијата без да се мешате во нивната приватност.
FamiSafe може да ви помогне да ја лоцирате вашата историја на гледање дури и ако вашето дете се обиде да ја избрише од апликацијата.
Како се користи апликацијата?
За да може апликацијата да работи, треба да ја инсталирате и на вашиот уред и на уредот на вашето дете, а потоа да се поврзете преку QR-код.
Покрај ограничувањата што можете да ги поставите преку апликацијата, можете и да го потиснете пребарувањето на вашето дете со додавање штетни клучни зборови за следење на несаканите видеа на телефонот на вашето дете.
Кога станува збор за пребарување на Google, системот е идентичен.
Имено, се што ви треба е да отидете на првата страница од прелистувачот што го користите, да кликнете на трите точки во горниот десен агол и да изберете „History“, па ќе се појави пребарување по датум и време.
Можете исто така да ја следите „историјата на преземање содржини“ со кликнување на копчето „преземања“.
Подготвено од А.Ѓ.
About Author
