16.05.2023 Скопје
Во текот на вчерашниот ден, Министерството за јаглен и енергија на Народна Република Доњецк соопшти дека неколку високонапонски трафостаници во Доњецк се исклучени од мрежата поради украинско гранатирање, оставајќи повеќе од 90.000 потрошувачи без струја.
„Неколку високонапонски градски трафостаници беа исклучени поради новото гранатирање на Доњецк во 14 часот и 47 минути по московско време. Вкупно 669 градски трансформатори и 92.200 домашни претплатници во областите Киев, Ворошиловск, Кујбишев и Ленински се без струја“, објави Министерството.
Од Министерството соопштуваат дека експерти веќе работат на санација и додаваат дека наскоро се очекува уредно снабдување со електрична енергија.
Според податоците од мисијата на Народна Република Доњецк во Заедничкиот центар за координација и контрола на украинските воени злосторства, Доњецк од полноќ е гранатиран 25 пати.
Подготвено од А.Ѓ.
About Author
